Salman Rushdie humb shikimin në njërin sy dhe lëvizshmërinë e dorës 

Shkrimtari i njohur Salman Rushdie, i cili u godit me thikë dy muaj më parë në Nju Jork, humbi shikimin në njërin sy dhe lëvizshmërinë e njërës dorë si pasojë e sulmit.

Shkrimtari që mori kërcënime me vdekje nga Irani në vitet 1980 pas botimit të romanit të tij “Vargjet Satanike”, u godit me thikë në qafë dhe në bust më 12 gusht, teksa po shkonte në foltoren në Nju Jork për të folur për lirinë artistike.

Deri më tani nuk dihej se çfarë pasojash pësoi shkrimtari i njohur, por në një intervistë për gazetën spanjolle El Pais, agjenti i tij Andrew Wiley shpjegoi se ai ka pësuar “plagosje të thella”.

LEXONI GJITHASHTU:

• ‘E sulmova sepse ofendoi Islamin’, rrëfehet agresori i Salman Rushdie
• Plagosja e Salman Rushdie, SHBA akuzojnë Iranin për nxitje të dhunës
• Sulmi ndaj Rushdie, aktivistja: Agresori nën presionin e ideologjisë fetare