Samiti i klimës në Glasgow, thirrje liderëve të merren masa urgjente

Pas Romës vëmendja e liderëve botërorë ndalet në Glasgow të Skocisë, ku zhvillohet konferenca e 26-të e Kombeve të Bashkuara kushtuar ndryshimeve klimatike. Në këtë takim mori pjesë edhe kryeministri Rama.

Takimi ku mblidhen 200 delegatë ndodh në momentin kur bota është duke u përballur me kushte ekstreme të motit, përmbytje ekstreme dhe zjarre.

Veproni urgjentisht është thirrja e mijëra aktivistëve të cilët janë duke marshuar në rrugët e Glasgow. Edhe Papa Françesku u bëri thirrje udhëheqësve botëror të dëgjojnë vuajtjen e Tokës.

“Miq në secilin shtet, ne dita ditës po shohim ndikimet shkatërruese të ndryshimeve klimatike. Planeti ynë po ndryshon për keq por ne duhet të bashkëpunojmë,” – u shpreh në nisje të konferencës presidenti i COP26 Alok Sharma.

Shtetet e mëdha Kina, India dhe Brazili  po përballen me presion  për të forcuar angazhimet e tyre.

Qëllimi global është për të ruajtur rritjen mesatare globale të temperaturës nën 2 gradë Celsius dhe për të vazhduar përpjekjet për ta kufizuar atë në 1.5 gradë Celsius.

Konferenca në Glasgow do të zgjasë deri më 12 nëntor.

LEXONI GJITHASHTU: 

• “Boll më me fjalë boshe”, qindra të rinj iu bashkuan aktivistes Thunberg në Milano
• Vendet e pasura emetojnë më shumë karbon, sipas studimit të fundit
• ‘Dëgjoni të qarat e Tokës’, mblidhet në Glasgow samiti për ndryshimet klimatike