Sekretari i përgjithshëm i NATO-s vizitë në Kosovë

Sekretari i përgjithshëm i NATO-s, Jens Stoltenberg do të vizitojë Kosovën të enjten.

Euronews Albania ka mësuar se Stoltenberg pritet të mbërrijë në aeroportin ndërkombëtar të Prishtinës “Adem Jashari” në orët e paradites.

Fillimisht do të vizitojë komandën e KFOR-it dhe ushtarët e NATO-s në kampin “Film City”, ndërsa pasdite do të zhvillojë takime me krerët institucionalë të Kosovës dhe me përfaqësuesit e pakicave.

Takimin e parë do e zhvillojë me presidenten e Kosovës, Vjosa Osmani në 14:30 dhe menjëherë pas saj, diku rreth orës 15:10 do të takojë dhe kryeministrin, Albin Kurti.

Vizita e Stoltenberg në Prishtinë, pritet të mbyllet me një konferencë për median.

LEXONI GJITHASHTU: 

• ‘Kapitull i ri për NATO-n’, Stoltenberg: SHBA dhe BE, bashkë kundër Kinës dhe Rusisë
• Hapet në Portugali Akademia Kibernetike e NATO-s, Stoltenberg: Krimi informatik, sfida e kohës
• Zaev në Samitin e NATO-s, takime të rëndësishme me Stoltenberg dhe presidentin e Bullgarisë