Sekretarja amerikane e shtypit: Guvernatori i Minesotës nuk beson në ligj

Sekretarja e shtypit e Shtëpisë së Bardhë, Karoline Leavitt, i është kundërpërgjigjur guvernatorit të Minesotës, Tim Walz duke thënë se ai nuk beson në ligj dhe rend.

Walz më parë u shpreh se presidenti amerikan, Donald Trump duhet të tërheqë 3,000 agjentët e tij të patrajnuar nga shteti. Leavitt në reagimin e saj u përgjigj duke shkruar se asnjë sasi propagande nga aleatët e tij në median liberale nuk do ta bindë popullin amerikan për të kundërtën.

Ajo pretendon se nën udhëheqjen e Walz, Minesota ka parë skema masive mashtrimi që rezultuan në dhjetëra miliarda dollarë të vjedhura nga fondet e taksapaguesve amerikanë.

“Walz dëshiron kaos, prandaj ai i ka inkurajuar vazhdimisht agjitatorët e krahut të majtë të ndjekin dhe regjistrojnë oficerët federalë në mes të operacioneve të ligjshme, duke çuar në përfshirjen e oficerëve në shënjestrimin, pengimin dhe vendosjen në situata jashtëzakonisht të rrezikshme”, shkruan ndër të tjera ajo.

Sipas saj Trump nuk do të tërhiqet kurrë nga premtimi i tij kryesor për të deportuar kriminelët e dhunshëm të paligjshëm nga komunitetet amerikane.