Serbia sanksione Rusisë? Daçiç: Mund të ndodhë nëse ekonomia serbe do të vuajë 

Marrëdhënia Rusi-Serbi duket se ka pësuar krisjet e saj. Kjo u duk edhe në shtimin e zërave brenda Serbisë për mundësinë e vendosjes së sanksioneve ndaj Moskës.

Së fundmi një mundësi të tillë e ka artikuluar edhe ministri serb i Punëve të Jashtme, Iviça Daçiç.

Daçiç u shpreh se kjo mund të ndodhë nëse qytetarët dhe ekonomia serbe mund të vuajnë pasojat e mos vendosjes së sanksioneve.

“Ne kemi thënë gjithmonë do të monitorojmë se si vendimi për të mos vendosur sanksione ndaj Rusisë reflekton në ekonominë tonë dhe gjithmonë e kemi lënë të hapur mundësinë që ajo të ndryshojë nëse ekonomia jonë dhe qytetarët tanë fillojnë të pësojnë dëme të pariparueshme. Serbia, respekton parimet e së drejtës ndërkombëtare, pra integritetin territorial dhe sovranitetin e çdo shteti, përfshirë Ukrainën, por ne nuk vendosim sanksione ndaj Rusisë për shkak të interesave tona, të cilat, ndër të tjera, janë mbrojtja e sovraniteti dhe integriteti territorial”, tha ministri i Jashtëm Daçiç

LEXONI GJITHASHTU:

• ​Osmani: S’mund të ketë paqe e stabilitet pa drejtësi për krimet që i bëri Serbia
• “Njohja de facto është e qartë”, Kurti: Serbia do bëj gjithçka për anulimin