Sërish lëvizje në polici, Gledis Nano ndryshon zëvendësdrejtorët në Elbasan, Durrës e Vlorë

Pas ndryshimeve në 11 qarqe, kreu i policisë së shtetit, Gledis Nano ka lëvizur dhe disa prej drejtorëve të policisë.

Kështu ish-drejtori i policisë së Fierit, Ferdinand Mara është emëruar në krye të drejtorisë së Analizës dhe Informacionit Kriminal në Policinë e Shtetit.

Artur Selmiaj, i cili deri dje mbante postin e drejtorit të policisë së Dibrës, zhvendoset në Elbasan me detyrë zëvendësdrejtor për Rendin e Sigurinë. Më parë këtë post e mbante Albert Nushi, i cili emërohet në Berat zëvendësdrejtor për Rendin e Sigurinë.

Ndryshime pati dhe në policinë e Durrësit, ku Lorenc Meta është emëruar në postin e zëvendësdrejtorit për Hetimin e Krimit, ndërsa po për të njëjtin post në Vlorë është emëruar Ilir Dedja.

LEXONI GJITHASHTU:

• Emrat e drejtuesve të rinj të policisë në qarqe