Sfidat e nënës me fëmijën Down: Shteti inekzistent, terapitë kushtojnë

Anila Hoxha, nëna e një vajze me sindromën Down, thotë se ndihmat nga shteti janë minimale për të trajtuar fëmijët me aftësitë ndryshe.

Në një intervistë për Euronews Albania nëna e vajzës 10-vjeçare me aftësi ndryshe theksoi se një orë terapi kushton rreth 15 mijë lekë, ndërkohë tha se çdo fëmijë duhet që të bëjë dy orë terapi në ditë.

“Të rrisësh sot një fëmijë me sindromën Down është shumë e vështirë, sepse shteti është shumë inekzistent. Janë shumë të paktë ndihmesat e shtetit. Ndihmat janë minimale. Unë kam një vajzë 10 vjeçare është me sindromën Down, aktualisht ndjek terapitë në qendrën e “Down Syndrome Albania”. Ka qenë një mbështetje shumë e madhe por terapitë kushtojnë. 1 orë është 15 mijë lekë deri në 20 mijë lekë. Një fëmijë në fillimet e terapive duan nga dy orë në ditë.”- tha ajo.

Ajo nënvizoi se terapitë duhet të bëhen nga shteti dhe jo nga xhepi i familjarëve.

“Këto terapi duhet të bëhen nga shteti. Ne kemi qenë në marrëdhënie pune dhe s’ia kemi ndërprerë asnjë ditë terapinë. Në të ardhmen do të ketë  nevojë për terapi të tjera. Shteti duhet të mbështesë shumë këto fëmijë. “- theksoi ajo.

LEXONI GHITHASHTU: 

• Ferhati: Prania e kafshëve në rrugë, shkak për aksident
• Hasho: Shoferët e rinj të çmendur në timon, ku duhet të përqendrohet vëmendja