SHBA dhe Kina bien dakord për një marrëveshje tregtare përpara takimit Trump-Xi

SHBA dhe Kina kanë rënë dakord për një marrëveshjeje tregtare që do të diskutohet kur presidenti amerikan, Donald Trump dhe homologu i tij kinez, Xi Jinping do të takohen këtë javë . Sekretari i thesarit të SHBA-së, Scott Bessent tha se kjo përfshinte një marrëveshje përfundimtare mbi operacionet e TikTok në SHBA dhe një shtyrje të kontrolleve të shtrënguara të Kinës mbi mineralet e rralla të tokës.

Ai tha gjithashtu se nuk parashikonte që tarifa 100% mbi mallrat kineze, e kërcënuar nga Presidenti Donald Trump, të hynte në fuqi, ndërsa Kina do të rifillojë blerjet e konsiderueshme të sojës nga SHBA-ja.

Të dy vendet po kërkojnë të shmangin përshkallëzimin e mëtejshëm të një lufte tregtare midis dy ekonomive më të mëdha në botë. Trump dhe Presidenti Kinez Xi Jinping do të zhvillojnë bisedime të enjten në Korenë e Jugut.

Bessent u takua me zyrtarë të lartë kinezë të tregtisë në kuadër të samitit të Shoqatës së Kombeve të Azisë Juglindore (ASEAN) në Malajzi, në të cilin po merr pjesë edhe Trump si pjesë e një turneu në Azi. Pekini tha se ata patën diskutime konstruktive.

Qeveria kineze tha në një deklaratë se të dy ekipet negociuese arritën një konsensus bazë mbi marrëveshjet për të adresuar shqetësimet e tyre përkatëse.

“Të dyja palët ranë dakord të finalizojnë më tej detajet specifike”, shtuan ata.

LEXONI GJITHASHTU:

• VIDEO/ Kamioni humb kontrollin dhe përplas makinën, dy të vdekur në Rumani
• Sulmi i rrufeshëm i Rusisë ndaj Ukrainës ringjall debatin për pajtimin