SHBA dhe Koreja e Jugut dakord për masa frenuese ndaj Koresë së Veriut

Presidenti Joe Biden dhe homologu i tij i ri i Koresë së Jugut Yoon Suk-yeol, kanë rënë dakord për të shtuar masat frenuese ndaj Koresë së Veriut, me zhvillimin e stërvitjeve më të mëdha ushtarake.

Stërvitjet ushtarake ishin zvogëluar vitet e fundit në përpjekje për të ulur tensionet me Korenë e Veriut, raporton Reuters.

Të dy liderët kanë shprehur shqetësimet e tyre për përhapjen e koronavirusit në Korenë Veriore dhe kanë thënë janë të gatshme të punojnë me komunitetin ndërkombëtar për të ofruar ndihmë.

Biden dhe Yoon Suk-yeol thanë se aleanca e vendeve të tyre duhej të zhvillohej jo vetëm për të përballuar kërcënimet e Koresë së Veriut, por edhe për të mbajtur rajonin Indo-Paqësor “të lirë dhe të hapur”.

Të dy liderët janë takuar në Seul për angazhimin e tyre të parë diplomatik që nga inaugurimi i presidentit të Koresë së Jugut 11 ditë më parë.

Në deklaratë, Biden ripohoi angazhimin e SHBA për të mbrojtur Korenë e Jugut me armë bërthamore nëse është e nevojshme.