SHBA dhe Venezuela tentojnë të rivendosin marrëdhëniet diplomatike pas arrestimit të Maduros

Venezuela dhe SHBA-të po rivendosin marrëdhëniet diplomatike, pasi Uashingtoni rrëzoi ish-presidentin Nicolas Maduro.

Njoftimi erdhi ndërsa sekretari i brendshëm i SHBA-së, Doug Burgum përfundoi një udhëtim dy-ditor në Venezuelë, pjesë e shtytjes së presidentit të SHBA-së, Donald Trump për akses më të madh në pasurinë minerale të vendit.

Departamenti i shtetit i SHBA-së theksoi se rivendosja e marrëdhënieve diplomatike dhe konsullore do të lehtësojë përpjekjet epërbashkëta për të promovuar stabilitetin, për të mbështetur rimëkëmbjen ekonomike dhe për të çuar përpara pajtimin politik në Venezuelë.

“Angazhimi ynë është i përqendruar në ndihmën e popullit venezuelian për të ecur përpara përmes një procesi me faza që krijon kushtet për një tranzicion paqësor drejt një qeverie të zgjedhur në mënyrë demokratike”, tha më tej departamenti.

Njoftimi erdhi disa orë pasi Burgum, një anëtar i kabinetit të Trump i cili drejton Këshillin Kombëtar të Dominimit të Energjisë, tha se kishte marrë garanci nga Karakasi se qeveria do të siguronte sigurinë e kompanive të huaja të minierave që dëshironin të investonin atje.

Burgum, i cili zhvilloi bisedime me presidenten e përkohshme Delcy Rodriguez gjatë udhëtimit të tij, tha se dhjetëra kompani kishin shprehur interes për të investuar në Venezuelë.

“Mendoj se do ta shihni këtë qeveri shumë të shqetësuar për ofrimin e llojit të duhur të sigurisë”, tha Burgum.

Ai u tha gazetarëve se takimet e tij ishin jashtëzakonisht pozitive dhe parashikoi se Venezuela do të tejkalonte objektivat e saj të prodhimit të naftës dhe gazit në vitin 2026.

Administrata e Trump pretendon se në fakt drejton Venezuelën dhe kontrollon burimet e mëdha natyrore të vendit pas rrëzimit të Maduros. Burgum është zyrtari i dytë i lartë amerikan që viziton vendin që nga sulmi me bomba më 3 janar që la rreth 100 të vdekur dhe që pa Maduron dhe gruan e tij të fluturonin për në Nju Jork për t’u gjykuar për akuzat e trafikimit të drogës.