Shtetet e Bashkuara kanë larguar çdo dyshim që kishte mbi dërgimin e tankeve “Abrams” në Ukrainë.

Në një fjalim të shkurtër televiziv, presidenti amerikan Joe Biden konfirmoi se do t’i dërgojë Kievit tanket në fjalë.

“Sot po njoftoj se Shtetet e Bashkuara do të dërgojnë 31 tanke “Abrams” në Ukrainë, të vlefshëm sa një batalion ukrainas. Sekretari Austin rekomandoi lëvizjen, pasi ne do të përforcojmë kapacitetet e ukrainasve për të mbrojtur territorin e tyre dhe për të arritur objektiva strategjikë. “Abrams” janë tanket më të avancuara në botë”, theksoi ai.

Biden shtoi se tanket “Abrams” janë gjithashtu shumë kompleks për t’u drejtuar dhe mirëmbajtur, ndaj do të dërgohen edhe pajisjet e duhura.

Stërvitja e trupave ukrainase në operacionet në fjalë do të nisë sa më shpejt të jetë e mundur, shtoi Biden.

Njoftimi i tij erdhi disa orë pasi Gjermania dhe dritën jeshile për dërgimin e tankeve “Leopard 2”.