SHBA-ja shton sanksionet ndaj Iranit për shtypje të protestave

Shtetet e Bashkuara kanë sanksionuar 10 zyrtarë iranianë, përfshirë ata që mbikëqyrin burgun Evin të Teheranit për censurë në internet dhe shtypje të protestave, të nxitura nga vdekja e 22-vjeçares, Mahsa Amini.

Policia e Moralit e ka ndaluar atë nën dyshimet se nuk e ka vendosur si duhet mbulesën në kokë, shkruan Radio Evropa e Lirë.

Sanksionet, përfshirë bllokada financiare dhe ndëshkime të tjera, janë vendosur nga Departamenti amerikan i Thesarit dhe shënjestrojnë zyrtarë të lartë iranianë dhe anëtarë të Gardës Revolucionare Islamike të Iranit.

Në mesin e tyre janë zyrtarë të burgut Evin, ku gjenden të burgosurit politikë dhe ku Uashingtoni beson se janë dërguar shumica e protestuesve.

LEXONI GJITHASHTU:

• Irani: SHBA-ja po “zvarrit” vendimin për marrëveshjen bërthamore
• Rusia po i paguan dronët iranianë me ndihmë bërthamore, thotë Zelensky