Shtetet e Bashkuara, Japonia dhe Australia po planifikojnë një stërvitje të përbashkët detare këtë javë në Detin e Kinës Jugore pranë Filipineve perëndimore për të nënvizuar angazhimin e tyre ndaj sundimit të ligjit në rajon, thanë sot zyrtarët e sigurisë filipinase.

Në këtë stërvitje ushtarake detare të tre vendeve, do të marrin pjesë tre aeroplanmbajtëse dhe helikopterë, duke lundruar së bashku dhe duke kryer stërvitje të përbashkëta, dhe komandantët e tyre do të takohen me homologët e tyre filipinas në Manila pas stërvitjes, konfirmuan për AP dy zyrtarë të paidentifikuar të sigurisë filipinase. .

SHBA planifikon të vendosë aeroplanmbajtësen e saj USS America, ndërsa Japonia do të dërgojë një nga luftanijet e saj më të mëdha, helikopter-mbajtësen JS Izumo.

Marina Mbretërore Australiane do të dërgojë HMAS Canberra-n e saj, gjithashtu një transportues helikopterësh, tha një nga dy zyrtarët, duke kujtuar se një stërvitje e përbashkët ishte planifikuar disa muaj më parë.

LEXONI GJITHASHTU:

• SHBA u ofron më shumë mbrojtje ligjore refugjatëve ukrainas
• SHBA-ja sanksionon katër rusë lidhur me helmimin e Navalnyt