I burgosuri më i vjetër i Guantanamos është liruar në vendin e tij, Pakistan, pas gati dy dekadash.
Saifullah Paracha, 75 vjeç, u arrestua dy vjet pas sulmeve të 11 shtatorit 2001 në SHBA dhe u akuzua si simpatizant i Al-Kaedës, shkruan BBC.
Paracha u dyshua për financimin e grupit xhihadist, por deklaroi se ishte i pafajshëm dhe nuk u akuzua kurrë.
Burgu ushtarak amerikan në Kubë dikur strehonte qindra militantë të dyshuar, të kapur pas sulmeve.
“Z. Saif Ullah Paracha, një shtetas pakistanez, i cili u ndalua në Gjirin e Guantanamos, është liruar dhe ka arritur në Pakistan të shtunën, 29 tetor 2022”, tha Ministria e Jashtme e Pakistanit .
“Ne jemi të kënaqur që një shtetas pakistanez i ndaluar jashtë vendit, më në fund është ribashkuar me familjen e tij”, shtohet në deklaratë.
LEXONI GJITHASHTU:
- 20 vjet nga krijimi i burgut të Guantanamos, Biden dëshiron të mbyllë objektin famëkeq
- Zjarr në burgun e Iranit, humbin jetën 4 persona, 61 të plagosur
