SHBA në gatishmëri për një sulm të mundshëm ndaj Iranit

Shtetet e Bashkuara do të jenë në gatishmëri nga e shtuna për një sulm të mundshëm ndaj Irani. Lajmin raportojnë mediat amerikane, duke cituar burime të afërta me presidentin Donald Trump, sipas të cilave shanset për një përshkallëzim ushtarak janë 90 për qind.

Trump nuk ka marrë ende një vendim përfundimtar dhe vazhdon diskutimet me këshilltarët e tij për sigurinë kombëtare. Shtëpia e Bardhë po shqyrton rreziqet nga përshkallëzimi i tensioneve rajonale, si dhe pasojat politike dhe ushtarake.

Megjithatë, retorika është përshkallëzuar javët e fundit, pavarësisht bisedimeve mes Uashingtonit dhe Teheranit në Gjenevë të Zvicrës. Trump deklaroi në rrjetin “Truth Social” se në rast se Irani nuk pranon marrëveshjen, SHBA do të përdorin bazat në ishujt Diego Garcia dhe Fairford për të neutralizuar çdo kërcënim potencial.

Një këshilltar i presidentit, duke folur në kushte anonimati për agjencinë Axios, tha se disa zyrtarë kanë këshilluar Trump të shmangë konfliktin, por sipas tij shanset për një aksion ushtarak në javët e ardhshme janë të larta.

Çdo operacion amerikan pritet të jetë masiv dhe në koordinim me Izraeli. Mbërritja e luftanijes “Gerald Ford” në Lindjen e Mesme në ditët e ardhshme do të jetë një faktor kyç për vendosjen e kohës së sulmeve të mundshme.