SHBA paralajmëron Iranin, çdo atentat ndaj shtetasve amerikanë është akt lufte

Uashingtoni ashpërson gjuhën me Iranin, dhe e  paralajmëron se çdo atentat ndaj ish-presidentit Trump apo ndaj çdo shtetasi amerikan do te cilësohet akt lufte.

Shtetet e Bashkuara kanë paralajmëruar qeverinë iraniane që të ndalojë të gjitha komplotet kundër republikanit Donald Trump dhe thanë se Uashingtoni do ta konsideronte çdo atentat ndaj tij si një akt lufte.

Zyrtari, duke folur në kushte anonimiteti, tha se presidenti i SHBA Joe Biden është informuar rregullisht për kërcënimet dhe ka udhëzuar ekipin e tij të adresojë komplotet iraniane kundër amerikanëve.

Në drejtimin e Bidenit, zyrtarët e lartë amerikanë kanë dërguar mesazhe në nivelet më të larta të qeverisë iraniane duke paralajmëruar Teheranin që të ndalojë të gjitha komplotet kundër Trump dhe ish-zyrtarëve amerikanë.

Iranianët janw paralajmëruar se Uashingtoni do ta konsideronte si një akt lufte nëse do të bëhej ndonjë përpjekje kundër jetës së Trump.

Irani ka mohuar ndërhyrjen në punët e SHBA. Teherani, nga ana tjetër, thotë se Uashingtoni ka ndërhyrë në punët e tij për dekada, duke përmendur ngjarjet që nisin  nga një grusht shteti i vitit 1953 kundër një kryeministri e deri te vrasja e komandantit të tij ushtarak në vitin 2020 në një sulm me dron të SHBA-së.

Shtëpia e Bardhë tha se Shtetet e Bashkuara kanë ndjekur nga afër kërcënimet iraniane kundër Trump dhe paralajmëroi për “pasoja të rënda” nëse Teherani do të sulmonte ndonjë shtetas amerikan. “Ne e konsiderojmë këtë një çështje të sigurisë kombëtare dhe kombëtare të prioritetit më të lartë dhe e dënojmë fuqishëm Iranin për këto kërcënime të pacipa. Nëse Irani sulmon ndonjë nga qytetarët tanë, përfshirë ata që vazhdojnë t’i shërbejnë Shteteve të Bashkuara ose ata që kanë shërbyer më parë, Irani do të përballen me pasoja të rënda”, tha zëdhënësi i Këshillit të Sigurisë Kombëtare të Shtëpisë së Bardhë.

LEXONI GJITHASHTU:

• Sulmet raketore ruse në Ukrainë, vritet një grua dhe plagosen 16 persona
• “Bashkëpunim në krimet e luftës së Izraelit”, OJQ-ja franceze padit Macron në OKB