Dy politikanë të tjerë nga Ballkani janë sanksionuar nga Zyra e Departamentit të Thesarit të SHBA.
Marinko Cavara, president i Federatës së Bosnjë-Hercegovinës dhe Alen Seranic, ministri i Shëndetësisë dhe Mirëqenies Sociale në Republika Srpska sipas DASH kanë kërcënuar stabilitetin e rajonit, duke minuar Marrëveshjet e Paqes të Dejtonit dhe proceset apo institucionet demokratike.
Dy muaj më parë Zyra e Departamentit të Thesarit të SHBA sanksionoi 7 persona nga Ballkani perëndimor mes të cilëve biznesmenët shqiptarë Ylli Ndroqi dhe Aqif Rakipi.
Në listën e Departamentit të Thesarit ishte edhe ish-kryeministri i Maqedonisë së Veriut, Nikolla Gruevski dhe ish-shefi i Drejtorisë së Sigurisë dhe Kundërzbulimit në këtë vend, Sasho Mijalkov.
Nga Bosnje e Hercegovina ishin ish-nënkryetari i Partisë për Veprim Demokratik Asim Sarajliç, dhe ish-kryeprokurorja Gordana Tadiç.
LEXONI GJITHASHTU:
- Nikolla Gruevski mes 7 personave në listën e zezë të SHBA
- Ylli Ndroqi kërkon rishikimin e vendimit të Departamentit të Thesarit
