SHBA-të i dërguan Iranit një plan armëpushimi prej 15 pikash, Teherani i refuzon përgjigjet

Shtetet e Bashkuara i kanë dërguar Iranit një plan me 15 pika për një armëpushim të mundshëm, ndërsa në të njëjtën kohë rrisin praninë e tyre ushtarake në Lindjen e Mesme, por ushtria iraniane tha se Uashingtoni “nuk ishte në pozicion për të negociuar”, raporton AP.

Sipas burimeve të paidentifikuara, plani iu përcoll Iranit nëpërmjet Pakistanit, i cili gjithashtu është ofruar të organizojë bisedime të mundshme, në një kohë kur presioni mbi Uashingtonin po rritet për t’i dhënë fund konfliktit, i cili po hyn në muajin e dytë.

Irani i ka sinjalizuar administratës së Presidentit të SHBA-së, Donald Trump, se do të preferonte të negocionte me Zëvendëspresidentin e SHBA-së, JD Vance, sesa me të dërguarit specialë, Steve Witkoff, dhe dhëndrin e Trump, Jared Kushner, thanë dy burime.