Joe Biden ka konfirmuar vrasjen e njërit prej liderëve kryesorë të grupit militant Shteti Islamik në Siri.
Presidenti i Shteteve të Bashkuara të Amerikës, Biden tha se trupat amerikane kanë vrarë Abu Ibrahim al-Hashimi al-Qurayshi.
“Ne kemi hequr nga fushëbeteja Abu Ibrahim al-Hashimi al-Qurayshi, liderin e ISIS. Të gjithë amerikanët janë kthyer shëndoshë e mirë nga operacioni”, thuhet në deklaratën e lëshuar për media nga zyra e presidentit Biden.
Biden ka bërë të ditur se operacioni është kryer nën drejtimin e tij dhe se është zhvilluar në veriperëndim të Sirisë.
Sipas presidentit amerikan, Biden, trupat amerikane kryen të operacion të kundër-terrorizimit me qëllim që bota të jetë një vend më i sigurt.
Forcat speciale amerikane kanë përndjekur xhihadistë të rangut të lartë gjatë bastisjeve në veriperëndim të Sirisë të enjten, ku u vranë 13 persona.
Pentagoni e ka përshkruar këtë operacion si të “suksesshëm”.
Operacioni besohet se është më i madhi i këtij lloji që kanë kryer forcat amerikane prej vitit 2019, kur është vrarë lideri i grupit militant, Shteti Islamik, Abu Bakr al-Baghdadi.
Pas vrasjes së Abu Bakr al-Baghdadi më 27 tetor, 2019, grupi militant ISIS kishte shpallur për lider të ri, Abu Ibrahim al-Hashimi al-Qurayshin.
Më 19 dhjetor 2018 ish-presidenti amerikan, Donald Trump, kishte shpallur fitoren mbi grupin militant Shteti Islamik. Por fraksione të këtij grupi vazhduan të kontrollonin disa territore brenda Sirisë.
Një numër i madh i pjesëtarëve të ISIS-it u arrestuan dhe ende vazhdojnë të mbahen nëpër burgje të ndryshme në Siri.
LEXONI GJITHASHTU:
