SHBA, zyrtarë të Senatit shprehin mbështetjen për organizatën MEK

12 Dhjetor 2022 | 23:00

Organizata e Komuniteteve Iraniano-Amerikane (OIAC) mbajti një konferencë dypartiake ku morën pjesë 8 senatorë amerikanë, ambasadorë dhe ish-zyrtarë të Shteteve të Bashkuara, të cilët shprehën mbështetjen e tyre të plotë për kryengritjen e popullit iranian, e cila ka zgjatur pavarësisht shtypjes së rëndë nga regjimi në tre muajt e fundit.

Ata gjithashtu mbështetën dëshirën e popullit iranian për të krijuar një shtet demokratik dhe në këtë aspekt rikonfirmuan vijimin e mbështetjes për iranianët e organizatës MEK, të strehuar në Shqipëri.

“Le të vazhdojmë t’i mbrojmë njerëzit në Ashraf 3 (Shqipëri), dhe unë jam i përkushtuar ta bëj këtë. Le të vazhdojmë të luftojmë represionin e pakuptimtë ndaj grave dhe vajzave. Le t’i mbajmë sytë e botës të mbërthyer tek mizoria e Teheranit”- tha Bob Mendez, kryetar i Komitetit të Marrëdhënieve me Jashtë.

Në këtë event morën pjesë edhe disa personalitete të shquara amerikane si ish-senatori dhe kandidati për president Joe Liberman, ish-senatorja Kelly Ayotte dhe ambasadori Marc Ginsberg.

Ditën e hënë, autoritetet iraniane kryen ekzekutimin e dytë të një protestuesi, i akuzuar për vrasjen e 2 efektivëve të një force paraushtarake të themeluar nga Ajatollahu Khomeini.

LEXONI GJITHASHTU: 

 

 

 

Home Kryefaqja
Shiko në: YouTube
Lajme të Sugjeruara

“Mendova se do të vdisja’ – Venezuelianët përshkruajnë panikun e tërmetit, familjet ende kërkojnë të mbijetuarit

Mbi 160 persona kanë humbur jetën dhe qindra të tjerë janë plagosur pas dy tërmeteve të fuqishme që goditën Venezuelën të mërkurën në mbrëmje, duke...
16:04 | 25/06/2026

Rusia sërish kundër Evropës, Zakharova: Vendet evropiane po pengojnë arritjen e paqes në Ukrainë

Zëdhënësja e Ministrisë së Jashtme të Rusisë, Maria Zakharova, deklaroi se vendet evropiane po kontribuojnë në vazhdimin e konfliktit në Ukrainë përmes ndihmës së tyre...
15:50 | 25/06/2026

Rubio: Vendet e Gjirit kundër tarifave në Hormuz

Sekretari i Shtetit i SHBA-së, Marco Rubio, deklaroi të enjten në Bahrein se vendet e Gjirit nuk mbështesin vendosjen e asnjë takse apo tarife për...
15:43 | 25/06/2026