Shefi i OKB-së kërkon kontrolle të rrepta për aktivitetet bërthamore të Iranit: Kanë një program ambicioz!

Kreu i autoritetit mbikëqyrës bërthamor të OKB-së ka theksuar se çdo marrëveshje e mundshme mes Shteteve të Bashkuara dhe Iranit duhet të përfshijë masa “shumë të detajuara” verifikimi për aktivitetet bërthamore të Teheranit.

Drejtori i përgjithshëm i agjencisë, Rafael Grossi, deklaroi në Seul se programi bërthamor i Iranit është “shumë ambicioz dhe i gjerë”, duke nënvizuar nevojën për praninë e vazhdueshme të inspektorëve ndërkombëtarë.

“Përndryshe, nuk do të keni një marrëveshje. Do të keni iluzionin e një marrëveshjeje,” u shpreh Grossi.

Sipas një raporti konfidencial të IAEA-së, Irani nuk ka lejuar qasje të plotë në objektet e tij bërthamore të dëmtuara gjatë përplasjeve ushtarake me Izraeli dhe SHBA-në gjatë një konflikti 12-ditor në qershor. Dokumenti thekson se agjencia nuk mund të verifikojë nëse Irani ka ndalur aktivitetet e pasurimit të uraniumit apo të përcaktojë saktë rezervat e tij aktuale.

Këto zhvillime shtojnë pasiguritë mbi transparencën e programit bërthamor iranian dhe vështirësojnë përpjekjet diplomatike për arritjen e një marrëveshjeje të qëndrueshme.