Sheinbaum do të jetë presidentja e parë grua e Meksikës

Claudia Sheinbaum pritet të bëhet presidentja e parë grua e Meksikës, tregojnë exit poll-et.

Sipas tyre, ajo do të sigurojë rreth 56% të votave nga zgjedhjet e së dielës, duke mposhtur bindshëm rivalen e saj kryesore, biznesmenen Xochitl Galvez.

Nëse konfirmohen exit poll-et, Sheinbaum do ta zëvendësojë mentorin e saj, presidentin në largim, Andres Manuel Lopez Obrador, nisur nga 1 tetori.

Sheinbaum premtoi vazhdimësi të politikave të tij, duke thënë se do t’i ndjekë “përparimet” e bëra nga Lopez Obrador.

Partia e tyre Morena e shpalli tashmë fitoren, por Galvez u kërkoi mbështetësve të saj t’i presin rezultatet zyrtare, që do të bëhen publike gjatë ditës së hënë.

Zgjedhjet, të cilat përballën Sheinbaumin dhe Galvezin, u përshkruan si një ndryshim i madh për të drejtat e grave në Meksikë.

Sheinbaum, 61 vjeçe, shërbeu më herët si kryetare e Meksiko Sitit.

LEXONI GJITHASHTU:

• Zgjedhjet në Meksikë, 1 i vrarë gjatë votimit, 38 politikanë të vrarë gjatë fushatës
• 2 gra kundër karteleve, e para herë në Meksikë, 2 kandidate për presidente