Shëmbet një shkollë në Indonezi, deri tani rregjistrohet tre viktima

Të paktën tre persona kanë humbur jetën dhe dhjetëra të tjerë janë plagosur pas shembjes së një godine shkolle në Indonezi, e cila ishte në proces rikonstruksioni.

Ngjarja ndodhi të hënën, kur ndërtesa u rrëzua papritur duke zënë poshtë studentë dhe punëtorë që ndodheshin brenda në momentin e incidentit.

Autoritetet lokale konfirmuan se një djalë 13-vjeçar ka humbur jetën në vendngjarje, ndërsa dy të rinj të tjerë ndërruan jetë në spital si pasojë e plagëve të marra.

Sipas agjencisë së kërkim-shpëtimit në Surabaya, deri më tani 101 persona janë dërguar në spital, disa prej tyre në gjendje kritike për jetën. Zyrtarët paralajmërojnë se numri i viktimave mund të rritet.

Ekipet e shpëtimit po vijojnë operacionet për nxjerrjen e personave të mbetur nën rrënoja