Shevchenko: Rusia duhet të përjashtohet nga aktivitetet futbollistike

Legjenda e futbollit ukrainas, Andriy Shevchenko ka deklaruar se Rusia duhet të përjashtohet nga futbolli, për sa kohë po zhvillohet një luftë në Ukrainë.

Shevchenko është bërë ambasadori i parë i një shoqate bamirësie të krijuar nga presidenti Volodimir Zelenski për të mbështetur vendin e tij në luftë.

Duke folur për BBC, ish-sulmuesi i Çelsit, Milanit dhe Dinamo Kievit është shprehur se kjo luftë është mizore dhe po kryhet një gjenocid.

“Për sa kohë që ka një luftë në Ukrainë, asnjë atlet rus nuk duhet të lejohet të marrë pjesë në ndonjë garë. Për shkak të Rusisë, atletët tanë janë të privuar nga çdo sport. Dhe ata mund të vriten në çdo moment”, u shpreh ai.

Klubet ruse të futbollit janë pezulluar në të gjitha garat nga FIFA dhe UEFA.

LEXONI GJITHASHTU

• Lufta mund të ndalet vetëm përmes diplomacisë, thotë Zelenski
• Çfarë po ndodh aktualisht me luftën në Ukrainë?