Shfaqja ‘Big Brother Vip’, premierë në Teatrin Migjeni

Estrada e Shkodrës është rikthyer në skenë me komedinë “Big Brother Vip Shkodra”.

Premiera e kësaj shfaqje do të vihet në skenë në Teatrin Migjeni, me regji të Ismet Drishtit.

Me pjesëmarrjen e aktorëve të njohur Besnik Çinari, Drande Xhaj dhe një grup prej 8 aktorësh të rinj, estrada e Shkodrës është frymëzuar për të vazhduar performancat.

Në fund të komedisë ka një surprizë dedikuar mjeshtrit të humorit Besnik Çinarit në 68-vjetorin e lindjes.

Për regjisorin dhe aktorët, suksesi i kësaj komedie ishte shpërblimi më i mirë pas shumë ditësh punë.

Për të paktën 5 ditët në vijim, biletat janë të gjitha të shitura ndërsa vijon të ketë kërkesa nga publiku shkodran.

LEXONI GJITHASHTU:

• Teatri i Durrësit eksperimenton në zhanrin ‘Commedia dell’arte’