“Shitësi i helmeve” në Kanada shkakton 88 vdekje në Mbretërinë e Bashkuar

Dhjetëra njerëz në Britaninë e Madhe humbën jetën pasi blenë një substancë helmuese nga një shitës në Kanada, i cili akuzohet se ka ndihmuar njerëzit t’i japin fund jetës.

Agjencia Kombëtare e Krimit (NCA) nuk mundi të konfirmojë se kimikati ishte shkaku i drejtpërdrejtë i 88 vdekjeve, por ka nisur një hetim penal për këtë.

Policia britanike ka bërë vizita sociale në qindra adresa për të gjurmuar blerësit në të gjithë vendin.

Kenneth Law u arrestua në Toronto në maj, i akuzuar për ndihmë në vetëvrasje.

57-vjeçari mendohet se ka pasur në pronësinë e tij një sërë faqesh interneti që shesin pajisje dhe helme për të ndihmuar vetëvrasjen.

Autoritetet kanadeze besojnë se ai dërgoi 1200 pako për klientët në më shumë se 40 vende, megjithëse nuk dihet se sa prej tyre përfshinin substancën helmuese.

Policia Rajonale e Peel tha se filloi hetimin e rastit në prill pas vdekjes së papritur të një të rrituri në zonën e Torontos.

LEXONI GJITHASHTU:

• Vdekja e Prigozhin, Ish-oficeri britanik: Bomba u fsheh në një arkë me verë në avion
• Inteligjenca britanike: Prigozhin ka shumë gjasa të ketë vdekur, por s’ka...