English

Shkarkimi i punonjësve, gazetari: Begaj e ka humbur shansin që të jetë president

KOMENTE

SHPERNDAJE
ARTIKULLIN

Text sizeAa Aa

Gazetari Denis Dyrnjaja tha se shkarkimi i 25 punonjësve të administratës së presidencës është një akt që e fut presidentin në një kornizë shumë të vogël.

- Advertisement -

Në një intervistë për Euronews Albania, gazetari theksoi se Bajram Begaj e ka humbur shansin që të jetë president.

“Mendoj se është një akt që e fut presidentin në një kornizë shumë të vogël nga ajo që duhet të ishte presidenti si figurë si institucion.

Presidenti ka të gjithë të drejtën e vet që të bashkëpunojë me njerëzit që ai zgjedhë në stafin e tij të afërt. Presidenti që la detyrën, bashkë me stafin e tij u largua. Këto janë të natyrshme në çdo vend të botës. Është një mendësi tipike arkaike, shqiptare kjo gjë që ka bërë presidenti.

Ka një kompleks te njerëzit këtu. Ky presidenti që kemi ne do të jetë presidenti që s’kemi për ta ndjerë fare. Begaj e ka humbur shansin që të jetë president. Ky personalitet nuk krijohet duke larguar njerëz”- theksoi gazetari.

Më tej ai tha se njerëzit që largohen nga puna dhe fitojnë gjyqet marrin paratë e taksave të shqiptarëve. Pra sipas tij largimi i punonjësve të administratës do të ketë një kosto për shtetin shqiptar, nëse çështjet fitohen nga punonjësit,

“Kemi informacione që në presidencë ka pasur njerëz me eksperienca shumë të mira nga pikëpamjet e asaj që kanë pasur departamentet përkatëse. Këta njerëz që largohen kanë një kosto dhe këto janë kostot tona. Çdo vit shteti shqiptar nga taksat tona u detyrohet njerëzve të larguar padrejtësisht nga puna që fitojnë gjyqet rreth 15-20 milionë euro”- u shpreh ai.

Presidenti Bajram Begaj të shtunën (15 tetor) 25 punonjës të administratës së presidentit.

Burime për Euronews Albania konfirmuan se 17 prej tyre janë me status të nënpunësit civil, pjesa pa këtë status dhe punonjësit e mbetur janë këshilltarë.

LEXONI GJITHASHTU: 

 

LEAVE A REPLY

Please enter your comment!
Please enter your name here

Etiketimet

TË FUNDIT

spot_img

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?