Shkarkohet zyrtarisht nga detyra kryebashkiaku i Lushnjës

Fatos Tushe është shkarkuar ditën e sotme, me vendim qeverie, nga detyra e tij si kryetar i Bashkisë së Lushnjës.

Z. Tushe u arrestua ditën e djeshme, i akuzuar për “shpërdorim detyre në bashkëpunim”.

Në dokumentin zyrtar të qeverisë për shkarkimin e z. Tushe shkruhet se shkarkimi nga detyra po bëhet “për shkak të shkeljeve të rënda”.

Vendimi për shkarkimin e ish-kryetarit të Bashkisë së Lushnjës ka hyrë në fuqi menjëherë.

Fatos Tushe para kandidimit për Bashkinë Lushnjë në vitin 2011, ka shërbyer si deputet i Parlamentit për zonën e Fierit dhe si anëtar i Partisë Socialiste. Më pas, ai dha dorëheqjen si deputet, sepse kandidoi për bashkinë e Lushnjës në zgjedhjet lokale të vitit 2011.

LEXONI GJITHASHTU:

• Arrestohet kryetari i Bashkisë së Lushnjës, Fatos Tushe
• “PS nuk është mbulesa e askujt”, kryeministri Rama reagon pas arrestimit të kryebashkiakut të Lushnjës
• Arrestimi i kryebashkiakut të Lushnjës, Basha: Mund të jetë një fillim i mbarë