Shkencëtarja shqiptare e EMA-s tregon se në cilat raste duhet t’i drejtohen mjekut, të vaksinuarit me ‘AstraZeneca’

Shkencëtarja në Agjencinë Evropiane të Barnave, Ornela Ademi tha për Euronews Albania se vendimi i EMA, që e cilësoi vaksinën ‘AstraZeneca’ të sigurt, është një vendim i drejtë i marrë mbi bazën e konkludimit të të gjitha të dhënave shkencore të disponueshme.

Teksa theksoi se me gjithë efektet anësore të listuara, përfitimet e kësaj vakinë janë shumë më të mëdha se sa rreziku që ato paraqesin, znj. Ademi këshilloi të gjithë shqiptarët e vaksinuar me ‘AstraZeneca’ që brenda 14 ditëve nga marrja e vaksinave kanë simptoma të tilla, si marrja e frymës, gjakderdhje, enjtja e krahut, shikimi i turbullt, dhimbje koke të paraqiten tek mjeku, pasi duhet të marrin mjekimin e nevojshëm.

“Sugjerohet që personat që kanë marrë AstraZeneca të kontraktojnë mjekun për të marrë trajtimin e duhur sa i përket simptomave.

Nuk dihet ende mekanizmi pse ndodh kjo, vaksina jep një përgjigje imunitare që është një formë çrregullimi që njihet në mjekësi dhe për duhet marrë mjekimi i duhur. Është e rëndësishme që të vaksinuarit të paraqiten menjëherë tek pas këtyre simptoma”, tha znj. Ademi.

Shkencëtarja shqiptare konfirmoi se EMA është duke shqyrtuar studimet laboratorike e më tej ato klinike të vaksinës ruse Sputnik 5 për të parë nëse i përmbush standardet evropiane për t’u certifikuar nga Agjencia Evropiane e Barnave, ndërsa theksoi se një përgjigje përfundimtare lidhur me Sputnik V do të jepet rreth muajit qershor.

Ajo theksoi se EMA ende nuk ka marrë një kërkesë për aplikim lidhur me vaksinën kineze, teksa bëri thirrje që edhe në Shqipëri duhet të bëhet një monitorim i hollësishëm për të parë nëse vaksinat që po aplikohen kanë efekte anësore.