Lihet në arrest shtëpie tekniku i ashensorit që u shkëput tek ‘Astiri’

Gjykata e Tiranës ka lënë në arrest shtëpie teknikun e ashensorit, Dëfrim Shabani me akuzën e “shkeljes se rregullave dhe mbrojtjes në punë”.

Ai u arrestua pas shkëputjes së ashensorit të shtunën mbrëma në një pallat në zonën e ‘Astirit’.

Në dosjen e Prokurorisë siguruar nga Euronews Albania tregohet nga banorët se edhe më parë në këtë ashensor kanë mbetur brenda persona, ndërsa vete tekniku ka deklaruar se kishte kryer një riparim para disa ditësh por nuk ka bërë kontrollin teknik.

Dy gra u plagosën pas shkëputjes së ashensorit në një pallat në zonën e “Astirit” në Tiranë pak pas mesnatës së të shtunës.

Ky nuk është rasti i parë ku ashensorët shkëputen. Në vitin 2017 një qytetare humbi jetën në zonën e “Freskut” pasi ashensori u shkëput në katin e 3 dhe nga fërkimi në rënie mori zjarr depozita e vajit.

Sipas burimeve nga zjarrfikëset e kryeqytetit çdo javë ndërhyhet nga 5-7 raste ku qytetarë mbesin brenda në ashensorë si pasojë e defekteve.

LEXONI GJITHASHTU:

• Shkëputet ashensori në një pallat në “Astir”, plagosen dy gra
• ISHMT: Ashensori i pallatit në Astir s’është inspektuar, përgjegjësi nuk ka bërë regjistrimin