Shkodra nis aplikimin e testeve të shpejta, 33% e të testuarve rezultojnë pozitiv

Prej dy ditësh në spitalin rajonal të Shkodrës ka nisur aplikimi i testeve të shpejta.

Nga rezultatet e 150 testimeve, gati 33% e qytetarëve kanë rezultuar pozitiv ndaj virusit COVID-19.

Qarku veri-perëndimor në javën e fundit ka shënuar qindra të infektuar.

Kjo konfirmohet nga shefja e epidemiologjisë Dhurata Hysaj e cila tregoi për numrin e lartë të testimeve të kryera që nga dita e mërkurë në qytetin e Shkodrës.

“Ditët e fundit ka pasur shtim të ndjeshëm të fluksit të personave të dyshuar me COVID-19,” – u shpreh Hysaj.

Epidemiologia apeloi për shtimin e vigjilencës nga instancat shtetërore ndaj personave që nuk po e respektojnë karantinën.

Në ditët e fundit Shkodra është renditur ndër katër qarqet me numrin më të madh të të prekurve me COVID-19 në të gjithë vendin.

Lexoni gjithashtu: 

Nis sot testimi i shpejtë për COVID, Manastirliu: Do të hapen disa pika në Tiranë dhe në qytetet e tjera

Nis aplikimi i testeve të shpejta, Andi Koraqi: Fillimisht do të bëhen në poliklinikat e Tiranës, më pas në spitalet rajonale

Epidemiologu i njohur tregon si do të kryhet testimi i shpejtë për COVID-19: Përgjigjja del në 30 minuta