Shkon mbi 2 mijë numri i viktimave nga tërmeti në Afganistan, qindra nën rrënoja 

Numri i viktimave të tërmeteve shkatërruese që goditën Afganistanin perëndimor të shtunën i kaloi 2000, njoftoi të shtunën mbrëma zëdhënësi i talebanëve.

Më shumë se 9,000 njerëz u tha se ishin plagosur, raportoi Reuters. Disa tërmete të forta goditën Afganistanin dje, dhe më i forti në epiqendër ishte 6.3 gradë Rihter, raportoi AP.

Të paktën gjashtë fshatra u shkatërruan dhe qindra civilë u varrosën në rrënoja, tha një zyrtar i Ministrisë së Informacionit dhe bëri thirrje për ndihmë të menjëhershme.

Shumë të vdekur janë transferuar edhe në baza ushtarake, ndaj për momentin nuk mund të flitet për numrin e saktë të viktimave.

Disa tërmete goditën dje zonën 35 kilometra në veriperëndim të qytetit të Heratit, raporton Reuters.

Tërmeti më i fortë ka qenë me magnitudë 6.3 ballë të shkallës Rihter. Popullsia lokale në Herat u largua nga shtëpitë e tyre në panik dhe shumë e kaluan natën në rrugë.

Tërmete u ndjenë gjithashtu në provincat Farah dhe Badghis, sipas Reuters. Dyshohet se numri i viktimave do të rritet, pasi shumë mbetën të bllokuar në rrënoja.

LEXONI GJITHASHTU:

• Tërmeti i fortë godet Afganistanin, humbin jetën 15 persona, plagosen 78 të tjerë
• Afganistani goditet nga një tërmet i fuqishëm, sa i ishte magnituda