‘Shmangni përshkallëzimin’, Borrell reagon pas sulmit ndaj EULEX-it në veri

Shefi i politikës së Jashtme të Bashkimit Evropian, Josep Borrell ka reaguar në lidhje me sulmin ndaj një patrulle vëzhguese të EULEX-it në veri të Kosovës.

Përmes një postimi në rrjetet sociale, Borrell shprehet se Bashkimi Evropian nuk do të tolerojë sulmet ndah EULEX-it apo përdorimin e akteve të dhunshme kriminale në veri.

Ai bëri thirrje për heqjen e barrikadave dhe për shmangien e përshkallëzimit të situatës.

“Bashkimi Evropian nuk do të tolerojë sulmet ndaj EULEX-it në Kosovë apo përdorimin e akteve të dhunshme kriminale në veri. Barrikadat duhet të hiqen menjëherë nga grupet e serbëve të Kosovës. Duhet të rivendoset qetësia. EULEX-i do të vazhdojë të koordinojë me autoritetet e Kosovës dhe KFOR-in. Të gjithë aktorët duhet të shmangin përshkallëzimin”, shkroi Borrell në Twitter.

#EU will not tolerate attacks on @EULEXKosovo or use of violent, criminal acts in the north. Barricades must be removed immediately by groups of Kosovo Serbs. Calm must be restored. EULEX will continue to coordinate w/Kosovo authorities & KFOR.

All actors must avoid escalation.

— Josep Borrell Fontelles (@JosepBorrellF) December 11, 2022

Misioni i Bashkimit Evropian për Sundimin e Ligjit në Kosovë, EULEX, ka konfirmuar se një shok bombë është hedhur ndaj një patrulle vëzhguese mbrëmjen e së shtunës, në afërsi të Rudarës, në komunën e Zveçanit.

EULEX-i bëri të ditur se asnjë zyrtar i Njësisë Policore të Specializuar nuk është lënduar dhe nuk janë shkaktuar dëme materiale, por i cilësoi sulmet e tilla të papranueshme.

Ndër të tjera, EULEX-i njoftoi do të vazhdojë punën për ruajtjen e stabilitetit në Kosovë dhe për sigurinë e qytetarëve.

LEXONI GJITHASHTU

• Sulmohet patrulla e EULEX-it në veri të Kosovës
• Serbët u detyruan që t’i vendosnin barrikadat në veri, thotë Vuçiç
• Petkoviç: Serbët janë ngopur me terrorin e Kurtit, nuk durojnë më