“Show me arrestimin e një mjeku”, reagon Shoqata e Infermierëve të Shqipërisë

Shoqata e Infermierëve të Shqipërisë, ka reagaur për arrestimin e mjekut  Fitim Marku në spitalin e Traumës pasi u kap në flagrancë duke marrë ryshfet.

Në një postim që ka bërë  në rrjetet sociale, shoqata dënon ngjarjen e sotme në spitalin e Traumës pasi sipas tyre nuk bëhet shoë me arrestimin e një mjeku.

Në reagim thuhet se është e turpshme se stafi mjekësor trajtohet sikur të ishte kriminel, ndërkohë që mjeku i arrestuar mund të ketë shpëtuar qindra jetë njerëzish.

“Është e dënueshme çdo lloj forme provokuese e dhënies së ryshfetit ndaj stafit mjekësor e jo vetëm”- thuhet në reagim.

Po ashtu Shoqata e Infermierëve të Shqipërisë dënon çdo rast abuzimi ku stafi mjekësor bën pazare apo kërkon ryshfet ndaj dhënies së shërbimit, por është më e dënueshme çdo lloj forme provokuese e rasti përfshirë këtu pacient familjarë apo në rastin konkret edhe një efektiv policie i infiltruar.

Mesditën e sotme ra në prangat e policisë një mjek tek spitali i Traumës, Fitim Marku.

Marku dyshohet të jetë kapur në flagrancë brenda ambienteve të spitalit duke marrë ryshfet nga pacientët. Shuma nuk është e konfirmuar, ndërkohë që hetimet vijojnë.

Në ambientet e Spitalit të Traumës ndodhen ende efektivë civilë të policisë, të cilët po bëjnë sekuestrimin e disa prej kartelave të pacientëve dhe regjistrin e mjekut.

LEXONI GJITHASHTU: 

• Arrestimi i mjekut për ryshfet, reagon Spitali Universitar i Traumës
• Mjeku i arrestuar te trauma u kap në flagrancë duke marrë ryshfet
• EMRI| Kush është mjeku që u arrestua te Trauma?