Shpenzimet për arsimimin e fëmijës, SPAK ankimon dërgimin në gjyq të ish-kryeprokurorit Llalla

Struktura e Posaçme Kundër Korrupsionit dhe Krimit të Organizuar ka ankimuar dërgimin në gjyq të ish-kryeprokurorit Adriatik Llalla.

Burime për Euronews Albania bëjnë me dije se ankimimi është bërë për një pikë të vendimit në lidhje me shpenzimet për arsimimin e një prej fëmijëve të Llallës.

Kështu SPAK kërkon që Llalla të gjykohet edhe për shpenzimet për arsimimin e fëmijës së tij. 

Ndërkohë Gjykata e Posaçme s’e ka proceduar, pasi Llala ka pasur masë administrative nga ILDKP për këtë çështje. 

Ky ankimim pritet të bëhet shkak për shtyrjen e seancës së parë të parashikuar për t’u zhvilluar ditën e sotme.

Lexoni gjithashtu:

Akuzat për fshehje të pasurisë, GJKKO nis gjykimin për Adriatik Llallën