Shpërndanin kanabis në kryeqytet, arrestohen 12 persona, në kërkim 6 të tjerë

Grupi kryesor i shpërndarjes së kanabisit me doza në kryeqytet, është arrestuar nga Policia.

Të enjten, Deivid Shuaipi, Farjon Palushi, Jurgen Halitaj, Ismail Gurra, Denard Buci, Josif Ceka, Oltion Doku, Fabian Pitani, Doris Murati, F. S (i mitur), L. D (i mitur), dhe A. Ll (i mitur), kanë rënë në prangat e Policisë prej operacionit policor të koduar “Parku”.

“Këta shtetas merreshin me shitjen dhe shpërndarjen e lëndëve narkotike  në zonën e ish-Parkut, në rrugën ‘Ndre Mjeda’ dhe ‘Frosina Plaku’” – thuhej në njoftimin e Policisë.

Në kërkim janë shpallur shtetasit, Arnaldo Çiçaj, Ergest Mema, Frenkli Sorra, Redi Palushi, Aleksandro Maliqaj dhe i mituri R. D.

Hetimet për grupin që shpërndante drogë filluan pas një denoncimi të një prej funksionarëve të Policisë së Shtetit, Shkëlqim Kokonozi, të cilit pak kohë më parë iu dogjën dy makina.

Nga ky denoncim Policia e Tiranës, e më konkretisht komisariati nr.2 ra në gjurmët e grupit që shiste lëndë narkotike.

LEXONI GJITHASHTU:

• Mbi 30 mijë rrënjë kanabis u zbuluan gjatë operacionit policor në Fushë-Krujë, 16 të arrestuar, 24 në kërkim
• Vijon operacioni anti-kanabis në zonën e Krujës, policia kontrolle në terren
• Fluturimet anti-kanabis në Shqipëri, ambasadori dhe numri 2 i policisë italiane motivojnë Guardia di Finanza