Shpërthim në fabrikën e armëve në Bullgari, 3 viktima

Një shpërthim ka ndodhur të martën në fabrikën e armëve Arsenal në qytetin bullgar Kazanlak.

Mediat e huaja, raportojnë se si pasojë e shpërthimit kanë humbur jetën 3 persona, ndërsa tre të tjerë janë plagosur dhe janë dërguar në spital për të marrë ndihmën e nevojshme mjekësore.

Ndërkohë si pasojë e shpërthimit, dy gra të moshës 53 dhe 43 vjeç janë zhdukur.

Ende nuk dihet se si ka ndodhur shpërthimi, ndërsa mendohet se shkak ka qenë shkelja e  rregullave në lidhje me sigurinë e punës.

“Ky është ndoshta një gabim njerëzor, sepse nëse do të plotësoheshin të gjitha kërkesat teknologjike, kjo nuk do të kishte ndodhur”, tha prokurori i qarkut Diço Atanasov.

Ekipet e zjarrfikësve kanë shkuar në vendngjarje dhe kanë nisur hetimet për zbardhjen e ngjarjes.

Vitin e kaluar, një punëtor humbi jetën në një zjarr që shpërtheu në të njëjtën fabrikë.

LEXONI GJITHASHTU: 

• Çmimi Nobel për Fizikë u ndahet tre shkencëtarëve
• Orteku godet alpinistët në Himalaja, humbin jetën 4 persona, zhduken disa të tjerë
• Incident në ashensor, humb jetën ish-komandanti i UÇK-së në Pejë