Shpërthim në ndërtesën e zyrave në Stokholm, dyshohet për përplasje mes bandave

Një shpërthim ndodhi mëngjesin e së mërkurës në hyrjen e një ndërtese zyrash në veri-perëndim të Stokholmit. Askush nuk mbeti i lënduar, por godina pësoi dëme të shumta materiale.

Zona u rrethua nga agjentët e policisë, ndërsa ekspertët e eksplozivëve kryen kërkime në zonë. Shpërthimi u shkaktua nga një bombë, por motivet nuk dihen ende.

“Në fillim nuk e kuptova që ishte tek hyrja e godinës sonë. Lajmërova një kolegun tim dhe së bashku kontrolluam për t’u siguruar që gjithçka ishte në rregull. Në fillim ishte e frikshme, por pastaj u mësuam”, tha Gustav Zetterberg, dëshmitar.

Një ditë më parë një bombë shpërtheu në një restorant të Stokholmit. Përplasjet mes bandave kriminale të përbëra nga emigrantë po e shqetësojnë gjithnjë e më shumë Suedinë, dikur e njohur për qetësinë e saj.

Vendi ka rënë nga maja në fund të klasifikimit të BE-së sa i takon vrasjeve me armë zjarri në dy dekadat e fundit, me një mesatare prej 1 person të qëlluar për vdekje në javë

LEXONI GJITHASHTU:

• 2 të vrarë e 12 të zhdukur nga shpërthimi i fabrikës kimike në Kinën veriore
• Rusia: 3 të vrarë dhe 13 të plagosur nga shpërthimi në Belgorod