Shpërthimi në Poloni, Stoltenberg: Ishte raketë ukrainase, por fajin e ka Rusia

Sekretari i Përgjithshëm i NATO-s, Jens Stoltenberg, tha se sulmi i së martës në Poloni me gjasë u shkaktua nga mbrojtja ajrore e Ukrainës.

Këto deklarata Stoltenberg i bëri në konferencën për shtyp pas takimit urgjent të vendeve anëtare të mërkurën, në Bruksel, pasi dy persona u vranë në Poloni nga një raketë që Varshava tha se ishte e prodhuar nga Rusia.

“Ky nuk është faji i Ukrainës. Rusia e mban përgjegjësinë përfundimtare pasi po vazhdon luftën e saj të jashtëligjshme kundër Ukrainës”, tha Stoltenberg.

Ai gjithashtu shtoi se nuk ka indikacione që Rusia po planifikon sulm ndaj NATO-s dhe se ata duhet të rrinë “vigjilentë, të qetë dhe të koordinuar ngushtë.

LEXONI GJITHASHTU:

• Zelensky: Rusia s’ka interes të përfundojë luftën
• Presidenti i Polonisë: Sulmi besohet të jetë i paqëllimshëm nga forcat ukrainase