Shpresë për kualifikimin historik, Vllaznia barazon me Vorsklan në Shkodër

Ndeshja e parë kualifikuese për në grupet e UEFA Champions League mës skuadrës së vajzave të Vllaznisë dhe ekipit ukrainas Vorska Kharkiv ka përfunduar në barazim 1-1. Golin e parë e shënoi skuadra shkodrane me Megi Doçin në nisjen e pjesës së dytë.

Pak minuta më vonë gjyqtarja akordoi 11-metërsh për ukrainaset shumë të diskutueshme. Fillimisht gardiania shkodrane e priti penalltinë, por vajzat ukrainase u treguan më të shkathta duke çuar topin në rrjetë.

Një tjetër episod që shënoi ndeshjen ishte goli I anuluar për Vllazninë.

Autorja e golit Megi Doçi pas ndeshjes u shpreh e emocionuar dhe plot besim për kualifikimin në fazën e grupeve.

“Shumë emocione, është kënaqësi shënimi i golit. Mendoj se bëmë një ndeshje të mirë. Objektivi jonë dihet.”

Loja e mirë në pjesën e dytë e vajzave shkodrane entuziazmoi drejtuesit e skuadrës së Vllaznisë.

“Në pjesën e dytë bajzat u përgjigjën. Siç e kemi parë ne kundërshtarin, na ka parë dhe kundërshtari ne, nuk po them se është më lehtë. Do riparojmë gabimet e bëra në pjesën e parë. 50 me 50 janë shanset e Vllaznisë për t’u kualifikuar”- u shpreh Nikolin Leka, trajner i Vllaznisë.

“Ekpi reagoi. Kishim përballë një ekip shumë të mirë. Nuk ishte ndeshje e kollajt”- theksoi Lazer Matija, president i Vllaznisë.

Ndeshja e kthimit do të luhet më 28 shtator sërish në ‘Loro Boriçi’.

Vllaznia është shumë pranë realizimit të ëndrrës për të hyrë në historinë e futbollit shqiptar si pjesëmarrëse në fazën e grupeve në Champions League.

LEXONI GJITHASHTU: 

• Skocia mposht Ukrainën, ‘të mëdhenjtë’ zbresin në tapetin e blertë
• Duka: Të lejmë 2 kulla pa bërë, të bëjmë fusha futbolli në Tiranë
• Mbyllet merkatoja e futbollistëve, cilat janë ekipet me blerjet më të mira