Shqipëria blen 300 milionë euro energji për 6 muaj, nis faza e kursimit 

15 prilli shënon ditën e fundit të gjendjes së jashtëzakonshme në sektorin e energjisë elektrike.

Për 6 muaj, vendi ndoqi një plan masash për të garantuar energji të pandërprerë dhe çmime të pandryshuara. Në këtë periudhë, u importua energji me vlerë 300 milionë euro, ndërsa nga nesër nis një fazë e re e menaxhimit të situatës.

Kursimi, rritja e prodhimit të energjisë me anije të lëvizshme dhe një studim për të rritur çmimin tek familjet që harxhojnë mbi 700 kilovat janë pikat e shtruara sot.

Bashkë me këto masa, qeveria garanton edhe 200 milionë euro të tjera për energjinë, ndërsa një vendim i dytë zgjatjen e emergjencës, mund të vazhdojë të lerë pa investime të domosdoshme operatorët publikë të energjisë.

LEXONI GJITHASHTU:

• Mbi 55 mijë familje mund të preken nga rritja e çmimit të energjisë