“Shqipëria është zero”, regjisori i filmit për Oscar: Shteti nuk ka fonde

“A cup of coffee and new shoes on” është filmi me të cilin Shqipëria do të kërkojë nominimin për Oscar.

Regjisori i filmit Gentian Koçi tha në një intervistë për Euronews Albania se në aspektin e financimit Shqipëria është zero.

“Nuk e di, unë të kam thënë që do çoj një kërkesë të protokolluar, e bëra, kam marrë një përgjigjë të protokolluar, të artikuluar shumë bukur, më falënderon shumë ministria e Kulturës për temën që kam zgjedhur, gjë që s’është fare e nevojshme dhe më thotë ka mbaruar buxheti për këtë vit, domethënë që në shtator,” – u shpreh Koçi.

Sipas tij kjo nuk ka shpjegim dhe brenda institucionit ka burokratë të paaftë.

“A cup of coffee and new shoes on” është një dramë e frymëzuar nga një histori e vërtetë. Aktorëve nga Portugalia, të dy binjakë identikë në jetën e vërtetë u është dashur më shumë se 5 vite që të hyjnë në lëkurën e personazheve, duke mësuar njëherazi gjuhën shqipe të shenjave.

LEXONI GJITHASHTU:

• Filmi që na çon në OSCARS 2023, së shpejti premierë në Tiranë