Shqiptarët dhe serbët kundër reciprocitetit për targat

Drejtuesit e automjeteve po i heqin targat e Republikës së Kosovës. Ato, qytetarët e Kosovës që duan të hyjnë në territorin e Serbisë, duhet t’i zëvendësojnë me targat provizore serbe.

Qytetarët shqiptarë e serbë nga Kosova që për arsye pune apo personale u duhet të hyjnë në shtetin e Serbisë tregojnë së janë mësuar me këtë  fakt edhe pse iu duket i panevojshëm.

“Prej 4-5 vjetësh çdo ditë shkoj andej se punoj. Tani jam mësuar, më është bërë normale. Ata që janë fillestarë atyre ju duket keq dhe kuptohet që është keq po çfarë të bëjmë. Çmimi është 5 euro dhe vlejnë 2 muaj”, thotë një qytetar shqiptar.

Euronews Albania pyeti edhe disa qytetarë të cilët shprehen se kjo masë iu krijon vonesa të panevojshme, ndaj duhet të rishikohet nga ana e politikanëve.

“Më duhet të shkoj në Serbi për disa punë, por kështu është tmerrësisht e vështirë. Para disa ditësh kam pritur 6 orë, edhe pse i kam edhe targat e Kosovës. Politikanët duhet të merren vesh, s’ka pse t’i vuajë populli këto probleme”, u shpreh një qytetar serb.

LEXONI GJITHASHTU:

• Reciprociteti për targat konsiderohet vendim strategjik që e fuqizon Kosovën
• Oferta e Kurtit për Serbinë: Të dyja vendet t’i heqin targat e përkohshme