Shqiptarët mendim më pozitiv për Greqinë sesa grekët për Shqipërinë

Ndonëse marrëdhëniet mes Shqipërisë dhe Greqisë janë përmirësuar në krahasim me dekadat e mëparshme, sërish mendimi që shqiptarët kanë për Greqinë është më pozitiv sesa mendimi i grekëve për Shqipërinë.

Është ky përfundimi i dy sondazheve paralele të kryera në Shqipëri dhe Greqi për të evidentuar perceptimin e dy popujve për marrëdhëniet mes dy vendeve. Sipas sondazhit, 61% e shqiptarëve të anketuar kanë mendim pozitiv për Greqinë, ndërsa vetëm 15.5% e grekëve të anketuar kanë mendim pozitiv për Shqipërinë.

Ndërsa, në nivelin individual grekët kanë mendim më pozitiv për shqiptarët dhe shkon deri në 47.5%, por sidoqoftë shqiptarët përsëri arrijnë në 60%.

Në Shqipëri, qëndrimet më pozitive ndaj grekëve gjenden kryesisht në jug të vendit. Në Greqi, përqindja më e lartë e qëndrimeve pozitive ndaj shqiptarëve gjendet midis të rinjve.

Shqiptarët konsiderojnë si problemet më të rëndësishme që ndikojnë marrëdhëniet dypalëshe, caktimin e kufijve të zonave detare dhe çështjen e popullsisë Çame, ndërsa greket janë të shqetësuar për ekspansionizmin e perceptuar shqiptar dhe politikat e Shqipërisë ndaj minoritetit grek, por edhe këto çështje tërheqin vëmendjen në rreth 12%.

Anketa në Shqipëri u bazua në 1.200 qytetarë të intervistuar, gjatë muajit shkurt të vitit 2020. Ndërsa anketa greke pyeti 1.128 qytetarë në dhjetor të vitit 2019.

LEXONI GJITHASHTU: 

• Kostas Bakoyannis: Greqia dhe Shqipëria kanë vullnet politik për të bashkëpunuar
• Ambasadorja e Shqipërisë në Greqi: Kategoritë e udhëtimit kanë ndryshuar, kuotat kanë mbetur të njëjta
• Vapa ‘shkrin’ Greqinë, i nxehti afrikan sjell pluhur në rajonin e Atikës