Shqiptarët të parët në rajon për numrin e kërkesave për azil, lakmojnë Francën e Gjermaninë

Të dhënat e Institutit Europian të Statistikave, rendisin Shqipërinë ndër 30 vendet me numrin më të lartë të kërkesave për azil në raport me popullsinë.

Për shqiptarët Franca është shteti i lakmuar, i cili njihet për praktikat dhe mbështetjen sociale. Në 2020-n Franca përbënte 44% të totalit të aplikimeve, e ndjekur nga Gjermania e Greqia.

Në vitin 2020, 471 mijë individë aplikuan për azil, nga të cilët 416 mijë për herë të parë, thotë Eurostat.

Për shkak të pandemisë, numri i azilkërkuesve është ulur në krahasim me vitin 2019. Sidoqoftë masat kufizuese nuk i penguan 6600 shqiptarë të shprehin vullnetin për të kërkuar azil në BE. Nga këta, 5000 ishin të rinj nën moshën 35 vjeç.

Ekspertët thonë se ekonomia dhe pasiguritë në të ardhmen detyrojnë të rinjtë të emigrojnë në vende të zhvilluara. Kjo shihet edhe tek vendi ku kërkohet strehimi.

Për periudhën 2011 deri në 2020, në total në vendet e BE aplikuan rreth 202 mijë shqiptarë. Rekordi u arrit në 2015-n, me 66 mijë persona, por që nga ky vit, edhe numri i refuzimit të kërkesave nga BE është rritur, duke mbërritur mesatarisht në 1 pranim për 32 aplikime.

LEXONI GJITHASHTU: 

• Mbyllja e kufijve uli numrin e azilkërkuesve në Shqipëri
• Bie fluksi i azilkërkuesve në Greqi, ashpërsimi i politikave kundër emigracionit jep rezultat
• Pandemia ul numrin e azilkërkuesve në Shqipëri