Shtatë të vdekur në Kosovë nga Covid-19

Gjatë 24 orëve të fundit në Kosovë kanë humbur jetën shtatë qytetarë, ndërsa nga 1181 teste të kryera, 234 prej tyre janë konfirmuar pozitivë.

Përkundër rasteve të reja, në orët e fundit janë shëruar edhe 564 pacientë, duke e çuar numrin total të të shëruarve në 40 987.

Lajmi bëhet publik nga ana e Institut Kombëtar të Shëndetit Publik, i cili shton se deri tani për shkak të coronavirus kanë humbur jetën 1332.

“Numri total i rasteve pozitive është 51.144 raste nga 182.329 persona të dyshimtë në virusin SARS-CoV-2 dhe 1.332 raste të vdekjes. Gjatë 24 orëve të fundit, janë shëruar 564 pacientë derisa numri i përgjithshëm i të shëruarve deri më sot është gjithsej 40.987 raste, kurse numri i rasteve aktive është 8.825”, njofton IKSHPK.

Rastet pozitive në Kosovë:

Prishtinë 88 raste, Gjakovë 17 raste, Mitrovicë 16 raste, Podujevë 16 raste, Gjilan 13 raste, Lipjan 11 raste, Ferizaj 10 raste, Pejë 10 raste, Fushë-Kosovë 8 raste, Skenderaj 7 raste, Prizren 6 raste, Vushtrri 6 raste, Istog 4 raste, Klinë 4 raste, Rahovec 4 raste, Malishevë 3 raste, Suharekë 3 raste, Kamenicë 2 raste, Kaçanik 2 raste dhe nga një rast komunat Deçan, Drenas, Junik 1 dhe Obiliq.

Ministria e Shëndetësisë kërkon nga ana e qytetarëve të tregohen të kujdesshëm, të ruajnë distancën dhe të kryejnë testin nëse shfaqin shenja të ngjashme me Covid-19.