Shtatëmbëdhjetë të vdekur në Kosovë nga Covid-19

Gjatë 24 orëve të fundit në Kosovë kanë humbur jetën 17 pacientë të prekur nga Covid-19. Të dhënat bëhen publike nga ana e Institutit Kombëtar të Shëndetit Publik, i cili shton se nga 1.541 teste të kryera janë evidentuar 557 raste pozitive.

“Numri total i rasteve pozitive është 43.881 raste nga 155.625 persona të dyshimtë në virusin SARS-CoV-2 dhe 1.137 raste të vdekjes. Gjatë 24 orëve të fundit, janë shëruar 727 pacientë derisa numri i përgjithshëm i të shëruarve deri më sot është gjithsej 30.157 raste, kurse numri i rasteve aktive është 12.587”, thuhet në njoftim.

Rastet pozitive:

Komuna Prishtinë 217 raste, Mitrovicë 41 raste, Fushë-Kosovë 33 raste, Podujevë 33 raste, Gjakovë 25 raste, Gjilan 23 raste, Prizren 23 raste, Pejë 22 raste, Ferizaj 19 raste, Drenas 15 raste, Viti 15 raste, Vushtrri 13 raste, Obiliq 11 raste, Kamenicë 10 raste, Suharekë 10 raste, Lipjan 8 raste, Malishevë 5 raste, Shtime 5 raste, Skenderaj 5 raste, Klinë 4 raste, Deçan 3 raste, Istog 3 raste, Kaçanik 3 raste, Mamushë 3 raste, Dragash 2 raste, Rahovec 2 raste dhe me nga 1 rast komunat Graçanicë , Hani i Elezit , Ranillug , Shtërpcë .

Ministria e Shëndetësisë së Kosovës bëri me dije një ditë më parë se ka aplikuar në aleancën globale “GAVI-COVAX” për të siguruar vaksinën kundër Covid-19 për 20% të popullsisë. Autoritetet ndërkohë vijojnë të mbajnë masat kufizuese si kundërpërgjigje e mundshme për të ndaluar përhapjen së pandemisë.

Lexoni gjithashtu: 

​Kosova nënshkruan aplikimin zyrtar me “COVAX” për sigurimin e vaksinës kundër COVID-19

Çfarë është skema COVAX dhe si e përfiton Shqipëria vaksinën