Shteti dhe ryshfeti, sondazhi i IDN-së: Një në tre shqiptarë paguan në dorë në vitin 2020

Numri i shqiptarëve që deklarojnë se kanë paguar ryshfet në shërbimin publik, u rrit në 32 % në vitin 2020, krahasuar 19% që ishte në 2019-n.

Sondazhi i Institutit për Demokraci dhe Ndërmjetësim zbulon se një në tre qytetarë kanë paguar në dorë, ndërsa anketa me 2500 të pyetur flet për një rënie të theksuar të besimit në institucionet publike.

Pyetësori tregon se shqiptarët nuk paguajnë ryshfet për të marrë një shërbim të mirë ose të shpejtë, por se ryshfeti i kërkohet në mënyrë eksplicite.

Rreth 47% e atyre që deklaruan se kanë paguar, thanë se e bënë për shkak se iu kërkua, ndërsa 16% deklaruan se e paguan në shenjë mirënjohjeje për shërbimin e marrë.

LEXONI GJITHASHTU: 

• Ryshfeti dhe korrupsioni në shëndetësi, mjekja Marsela Ceno: Si mund të shmanget
• Frika për të denoncuar ryshfetin, qytetarët: Edhe nëse ngrejmë zërin nuk mendojmë se marrim zgjidhje
• Reformë në spitale? Edi Rama i përgjigjet Euronews Albania për korrupsionin dhe ryshfetin në këtë sektor