Shtohet tensioni dhe pasiguria në Spanjë para konfirmimit të qeverisë së Pedro Sanchez

Sot do të jetë dita e dytë dhe përfundimtare për konfirmimin e qeverisë së Pedro Sanchez dhe me sa duket kjo ka sjellë pa-siguri brenda Parlamentit.

Pasi humbi votimin e parë ditën e diel, siç ishte parashikuar, për shkak të mungesës së mazhorancës absolute, këtë të martë lideri socialist parashikohet të bëhet president i qeverisë, pasi atij i duhet vetëm një shumicë e thjeshtë.

Por numrat që përkthehen në vota, janë aq të ngushtë sa që një ndryshim i vetëm i mendjes së ndonjë deputeti mund të kthejë rezultatin.

Kjo është arsyeja pse socialistët i kërkuan grupit të tyre të kalonin ditën e festës së Mbretërve Magjikë në Madrid, për të shmangur çdo ngjarje të paparashikuar që do t’i bënte ata të largoheshin nga Parlamenti të Martën. 

Deputetja Aina Vidal, e cila nuk mori pjesë në votimin e parë pasi është e sëmurë me kancer, është detyruar të japë shpjegime në rrjetet sociale dhe ka premtuar se do të votojë ditën e martë. 

Po ashtu edhe “po-ja” e Tomás Guitarte, deputet i Teruelit  do të jetë vendimtare, dhe për këtë arsye ai po kalon një fushatë presionesh:ai ka marrë mijëra letra për të ndryshuar votën e tij, po ashtu në qytetin e tij janë shfaqur piktura që e akuzojnë atë për “tradhtar”, sipas asaj që ai ka denoncuar. Nga ana tjetër blloku i djathtë po ushtron presion deri në momentin e fundit deputetëve që duan të lehtësojnë ngërçin.