Data zyrtare e daljes në kinema të filmit të ri të James Bond “No Time to Die” (Nuk ka kohë për të vdekur) do të shtyhet deri në nëntor, kanë lajmëruar producentët e filmit të mërkurën.
“Filmi do të shfaqet për herë të parë në Mbretërinë e Bashkuar më 12 nëntor 2020, më pas në Shtetet e Bashkuar më 25 nëntor, ndërsa së shpejti do të publikohen dhe datat se kur do të shfaqet në shtetet e tjera”, thuhej përmes një deklarate në faqen zyrtare të James Bond në Twitter . Në deklaratë nuk citohej virusi si arsyeja e shtyrjes së datës.
MGM, Universal and Bond producers, Michael G. Wilson and Barbara Broccoli, announced today that after careful consideration and thorough evaluation of the global theatrical marketplace, the release of NO TIME TO DIE will be postponed until November 2020. pic.twitter.com/a9h1RP5OKd
— James Bond (@007) March 4, 2020
Më herët, fansat folën hapur për shqetësimin e tyre rreth kohës së shfaqjes së filmit të ri, ndërsa dy faqe fansash të James Bondit i kërkuan studios së produksionit që ta shtyjnë datën pasi kinematë mund të qëndrojnë të mbyllura deri në prill.
Të martën, Disney anuloi një ceremoni që kishin planifikuar për promovimin e daljes në transmetim të kanalit Disney+ në Europë, konkurrenti i shumëpritur i Netflix dhe Amazon Prime, i cili do të shfaqë “The Mandalorian”.
Disa personazhe dhe producentë të famshëm kishin planifikuar pjesëmarrjen në tapetin e kuq në Londër për të promovuar kanalin e ri televiziv, por Disney tha se ceremonia do të anulohet.
Disney u shpreh se ishin të shqetësuar për perspektivën e ndërmarrjes së një udhëtimi në kohëra të tilla.
